Döyüş növləri

Döyüş növləri

Fuad Musayev: “Azərbaycan futbolunda Ukrayna mafiyası yaradıblar”

17 avqust 2007 14:43 (UTC +04:00)

“Valentin Xodukin, İqor Nakoneçnı və digərlərini gətirərək, Azərbaycan futbolunda Ukrayna mafiyası yaradıblar. Halbuki, onların heç biri heç yerdə özlərini bacarıqlı məşqçi kimi sübut edə bilməyiblər”. Bu sözləri “APA-Sport” agentliyinə açıqlamasında AFFA-nın sabiq prezidenti Fuad Musayev deyib. F.Musayevin sözlərinə görə, ölkəmizlə heç bir əlaqəsi olmayan əcnəbilərə bel bağlamaqdansa, vaxtilə yığmamızda və klublarımızda çıxış edənləri geri çağırıb işlə təmin etmək lazımdır: “Deni Qaysumov və Aleksandr Jidkov mənə zəng etmişdilər. Qaysumovdan soruşuram ki, nə işlə məşğulsan? İşləmədiyini və Azərbaycanda çalışmaq istədiyini söyləyir. Jidkov isə Rusiya premyer-liqasında çıxış edən “Tom”da qapıçılarla işləyən məşqçi olsa da, Bakıda çalışmaq arzusundadır. Mən isə dedim ki, burada sizin üçün iş yoxdur. Çünki klublar əslən azərbaycanlılarla yox, ukraynalılarla çalışmaqda maraqlıdırlar”. F.Musayev, həmçinin bildirib ki, artıq futbolumuzda mafiya sözü müsbət məna daşımağa başlayıb: “Bu da təbiidir. Çünki mafiya sözünün mənası birlik deməkdir”. /APA-Sport/