Döyüş növləri

Döyüş növləri

Rasim Kara: “Futbolçuları cəzalandıracağıq”

20 avqust 2007 09:57 (UTC +04:00)

“Komandamızın öz meydanında keçirdiyi görüşlərdə nəticə qazanması vacibdir. Evdə də məğlub oluruqsa, futbolçuların cəzalanması gərəkdir”. Bu fikirləri “APA-Sport” agentliyinə açıqlamasında Ağdamın “Qarabağ” klubunun məşqçisi Rasim Kara deyib. XVI milli çempionatında ardıcıl ikinci məğlubiyyətdən sonra komanda daxili iclas keçirəcəklərini vurğulayan türkiyəli mütəxəssisin sözlərinə görə, toplantıda futbolçular cəzalandırılacaq: “Öz meydanımızda maksimum xal qazanmaq lazım olduğu halda, məğlub olmaq pis haldır. Bu səbəbdən futbolçuları cəzalandırmaq fikrindəyik”. Cərimələnəcəyi gözlənilən “Qarabağ” klubunun futbolçuları ilk oyunda qol vura bilməyiblər. Komandanı isə ardıcıl Lənkəranda iki səfər matçı - “Xəzər-Lənkəran” və “Masallı” ilə görüşlər gözləyir. R.Kara növbəti turda “Xəzər-Lənkəran”la görüşü prinsipial sayıb: “Bu oyuna ciddi hazırlaşıb, ilk xalımızı və ilk qolumuzu vurmaq əzmi ilə çaxacağıq. Futbolçularımızın cəzalanması önəmli deyil. Əsas odur ki, onlar da uğursuz startdan sonra xal qazanmağa çalışsınlar”. /APA-Sport/