Döyüş növləri

Ana səhifə

Döyüş növləri

Qurban Qurbanov: “Heyətimizdə dəyişiklik olacaq”

25 avqust 2007 10:05 (UTC +04:00)

“Qəbələ” ilə oyuna məsuliyyətlə yanaşırıq. Yəqin ki, ilk iki turla müqayisədə heyətimizdə dəyişikliklər olacaq”. Bu sözləri “APA-Sport” agentliyinə açıqlamasında “Neftçi” klubunun baş məşqçisi Qurban Qurbanov deyib. Hələlik optimal heyəti müəyyənləşdirə bilmədiyini vurğulayan Q.Qurbanov xüsusən müdafiədə çox diqqətli olmalarının vacibliyini bildirib. Baş məşqçi sabah Tofiq Bəhramov adına Respublika stadionunda qəbul edəcəkləri Qəbələnin eyni adlı komandasının çempionata yaxşı hazırlaşdığını söyləyib: “İlk iki turda qələbə qazanmaları “Qəbələ”nin hər oyuna ciddi hazırlıq keçdiyini göstərir. Amma biz də 90 dəqiqə ərzində hücumda yaxşı çıxış edən kollektivə malikik. Ona görə də sabah meydana yalnız qələbə üçün çıxacağıq. Heyətimizdə zədəli Nadir Nəbiyevdən başqa itki yoxdur”.
Qeyd edək ki, XVI Azərbaycan çempionatında ilk iki turdan sonra “Qəbələ”nin 6, “Neftçi”nin isə 4 xalı var. “Neftçi” “Qəbələ” matçı avqustun 26-da Tofiq Bəhramov adına Respublika stadionunda keçiriləcək və saat 18:30-da başlanacaq. /APA-Sport/