Döyüş növləri

Döyüş növləri

Klaus Topmöller Bakıda yeni futbolçuları sınaqdan keçirəcək

27 avqust 2007 12:16 (UTC +04:00)

Gürcüstan milli komandasının Azərbaycan yığması ilə sentyabrın 12-də Bakıda keçirəcəyi yoldaşlıq görüşünə daha çox yerli çempionatda çıxış edən futbolçuların çağırılması istisna deyil. “APA-Sport” agentliyinin məlumatına görə, bu haqda Gürcüstan Futbol Federasiyasının (GFF) prezidenti Nodar Axalkatsi məlumat verib. N.Axalkatsinin sözlərinə görə, Gürcüstan millisinin avqustun 22-də Lüksemburqla keçirdiyi yoldaşlıq görüşündə 0:0 hesablı heç-heçə etməsindən GFF və baş məşqçi Klaus Topmöller narazı qalıblar. Federasiya başçısı bildirib ki, millidə çıxış etdiklərindən qürur duymayan oyunçular heyətə düşməyəcəklər: “Nə mən, nə də Gürcüstan yığmasının istənilən azarkeşi Lüksemburqda qeydə alınan nəticədə razı qala bilərik. Hər bir oyunçu bilməlidir ki, yaşıl meydanda öz ölkəsini təmsil edir”. Bununla belə, N.Axalkatsi yığmanın heyətində dəyişikliyin baş məşqçinin səlahiyyətində olduğunu vurğulayıb. /APA-Sport/