Döyüş növləri

Döyüş növləri

Viktor Pasulko: “Xəzər-Lənkəran” klubunun sahibləri futbolla heç bir əlaqəsi olmayan insanlar, biznesmenlərdir”

29 avqust 2007 10:16 (UTC +04:00)

“Həmişə qızıl dağlar vəd edirlər, işləməyə başlayanda isə... Orada işlər çox qeyri-peşəkar səviyyədə qurulmuşdu”. “APA-Sport” agentliyinin məlumatına görə, bu sözləri hazırda Almaniyanın 5-ci liqasında mübarizə aparan “Yunkersdorf” klubunun baş məşqçisi Viktor Pasulko “Xəzər-Lənkəran” karyerası barədə danışarkən deyib. Moldovalı çalışdırıcının sözlərinə görə, 2005-2006 mövsümünün ikinci dövrəsindən sonunadək baş məşqçisi olduğu “Xəzər-Lənkəran” klubunun sahibləri futbolla heç bir əlaqəsi olmayan insanlar, biznesmenlərdir: “İnfrastruktura gəldikdə, orada demək olar ki, yoxdur. Nəticədə mən həm inzibatçı, həm təsərrüfatçı, həm menecer, həm də seleksioner işləməli olurdum”. Bununla belə, ötənlərin tanınmış futbolçusu ictimai əsaslarla çalışdığı Moldova milli komandasını “Xəzər-Lənkəran”dan maraqlı təklif aldığı üçün tərk etdiyini vurğulayıb. /APA-Sport/