Döyüş növləri

Döyüş növləri

Vlastimil Petrjela “Neftçi”ni Çexiya çempionu “Sparta”ya bənzədib

30 avqust 2007 09:24 (UTC +04:00)

“Neftçi” klubunun baş məşqçisi Vlastimil Petrjela yeni komandasını dəfələrlə Çexiya çempionu “Sparta”ya bənzədib. “APA-Sport” agentliyinin məlumatına görə, 54 yaşlı məşqçi Çexiya telekanallarından birinə müsahibəsində “Neftçi”də gördüklərindən razı qaldığını deyib: “Yeni komandamın oyununa baxmışam. “Neftçi” ilə bağlı yaxşı təəssüratlarım var. Azərbaycanın ən böyük klublarındandır. Ümumilikdə, “Neftçi” pis komanda deyil. Uşaqlar futbol oynamağı bacarırlar. Demək olar, “Neftçi” bizim “Sparta”ya bənzəyir”. V.Petrjela bildirib ki, “Neftçi” ilə razılaşmadan öncə Rusiyanın “Lokomotiv” klubunun təklifinə rədd cavabı verib: “İşsiz qaldığım vaxtlarda xeyli təklim almışdım. Ən ciddi dəvət Rumıniyanın “Universitatya Krayova” komandasından idi. Bundan başqa, Moskva “Lokomotiv”inin rəsmiləri də mənimlə maraqlanırdılar. Amma bu təkliflərin heç birini qəbul etmədim”. Düzgün seçim etdiyini deyən çexiyalı mütəxəssis tezliklə Azərbaycana qayıdacağını vurğulayıb: “Gələn həftənin ilk günündən işə başlayıram. Həmin gündən etibarən Azərbaycan çempionatda ikihəftəlik fasilə yaranacaq. Bu, mənə komandanı daha yaxşı hazırlaşdırmağa imkan verəcək”.
Qeyd edək ki, V.Petrjela az öncə “Neftçi” komandası ilə bir illik müqavilə bağlayıb. /APA-Sport/