Döyüş növləri

Döyüş növləri

Samir Əliyev: “Mənim üçün “Neftçi”yə kimin baş məşqçi gətirilməsinin fərqi yoxdur”

30 avqust 2007 13:03 (UTC +04:00)

“Mənim üçün “Neftçi”yə kimin baş məşqçi gətirilməsinin fərqi yoxdur. Mən peşəkar futbolçuyam, əsas vəzifəm meydana çıxıb qol vurmaq, komandama kömək etməkdir”. Bu sözləri “APA-Sport” agentliyinə açıqlamasında Azərbaycan yığmasının və “Neftçi” klubunun hücumçusu Samir Əliyev deyib. 28 yaşlı futbolçu çexiyalı Vlastimil Petrjelanın “Neftçi”nin baş məşqçisi postunda Qurban Qurbanovu əvəzləməsi barədə geniş danışmaq istəməyib: “Qurban Qurbanov çox yaxşı məşqçidir. Onun gələcəyi qabaqdadır. Petrjela haqqında isə onun işini gördükdən sonra danışmaq mümkündür”. S.Əliyev gələcəkdə “Neftçi”də keçiriləcək ağır məşqlərdən çəkinmədiyini bildirib: “Petrjelanın “Neftçi”nin fiziki hazırlığından narazı qaldığını mən də eşitmişəm. Gələcəkdə keçiriləcək fiziki hazırlıqdan prosesindən qorxmuram. Mən çox ağır məşqlər görmüşəm. Fikrimcə, Petrjelanın rəhbərliyi altında oynamaq mənə çətin olmayacaq. Onun “diktator” olub-olmamasının isə prinsipial fərqi yoxdur. Ən başlıcası, məşqlərdə fəallığımla seçilməli, məşqçinin tələblərinə cavab verməliyəm”. /APA-Sport/