Döyüş növləri

Döyüş növləri

Rövnəq Abdullayev: “Neftçi”nin “Zenit” kimi oynamasını istəyirəm”

31 avqust 2007 09:37 (UTC +04:00)

Rövnəq Abdullayev yeni baş məşqçi Vlastimil Petrjeladan “Neftçi” klubunun “Zenit” kimi oyun nümayiş etdirməsini istəyib. Klub prezidenti 54 yaşlı çexiyalı mütəxəssisin qarşısına komandanın sürətli, hücumameylli və maraqlı futbol oynatmaq şərtini qoyub. “APA-Sport” agentliyinin məlumatına görə, bu barədə Vlastimil Petrjela Çexiya mətbuatına açıqlamasında bildirib: “Klub prezidenti istəyir ki, “Neftçi” Rusiya vitse-çempionu olduğu vaxt “Zenit”ə oynatdığım futbolu nümayiş etdirsin”. V.Petrjela “Neftçi” üçün yaradılan şəraitlə tanış olmaq üçün R.Abdullayevin ona bir həftə Bakıda qalmaq imkanı yaratdığını bildirib: “Gəldim və gördüm ki, prezident düz deyibmiş. Şərait sadəcə, heyranedicidir”. Bakıya gələnədək adı hətta Belarus milli komandasının baş məşqçi postuna namizədlər sırasında göstərilən V.Petrjelanın “Neftçi” ilə cəmi bir il müddətinə müqavilə bağlamasının da səbəbi məlum olub. Baş məşqçi Çexiya “Siqma”sı ilə bağlı situasiyanın təkrarlanmamasından sığortalanıb. Belə ki, o, “Siqma” ilə iki il müddətinə müqavilə bağlasa da, komandanı vaxtından bir il tez tərk edib. /APA-Sport/