Döyüş növləri

Döyüş növləri

Vlastimil Petrjela bu gün Azərbaycana gəlib

01 sentyabr 2007 10:38 (UTC +04:00)

“Neftçi” klubunun yeni baş məşqçisi Vlastimil Petrjela bu gün Bakıya gəlib. “APA-Sport” agentliyinin məlumatına görə, çexiyalı mütəxəssis XVI milli çempionatın IV turunun oyunlarını izləyəcək. O, “Neftçi”nin sabah “İnter”lə Zabrat qəsəbə stadionunda keçiriləcək görüşü ilə yanaşı, bu gün də matç izləməyi planlaşdırır. Belə ki, V.Petrjela “Standard” və “Bakı” klublarının İsmət Qayıbov adına Bakıxanov qəsəbə stadionunda keçiriləcək oyununu izləyəcək. Bununla da, çexiyalı mütəxəssis “İnter”lə görüşü nəzərə alsaq, ardıcıl ikinci həftə “Bakı”nın oyununu seyr edəcək. Ancaq V.Petrjelanı hazırda “Standard”ın oyunu maraqlandırır. Belə ki, “Neftçi”nin növbəti turda rəqibi məhz bu komanda olacaq. Sentyabrın 16-da Tofiq Bəhramov adına Respublika stadionunda keçiriləcək oyunda yeni klubunun sükanı arxasında debüt edəcək.
Qeyd edək ki, “Neftçi” V.Petrjelanı ictimaiyyətə sentyabrın 3-də saat 12:00-da keçirəcəyi mətbuat konfransında təqdim edəcək. /APA-Sport/