Döyüş növləri

Döyüş növləri

Azərbaycan yığmasının Gürcüstanla oyuna heyəti açıqlanıb

03 sentyabr 2007 08:27 (UTC +04:00)

Azərbaycan milli komandasının Gürcüstanla sentyabrın 12-də Bakıda keçirəcəyi oyuna heyəti açıqlanıb. “APA-Sport” agentliyinin məlumatına görə, baş məşqçi Şahin Diniyev avqustun 22-də Tacikistanla səfərdə keçirilən yoldaşlıq görüşü ilə müqayisədə heyətdə bir dəyişiklik edib. Belə ki, “Qarabağ”ın yarımmüdafiəçisi Murad Ağakişiyev Türkiyənin “Sivasspor” klubunda çıxış edən İlqar Qurbanovla əvəzlənib. Ş.Diniyev Polşanın “Qrotslin” klubunda çıxış edən Saşa Yunisoğlu klubunda möhkəmlənməyə imkan yaratmaq məqsədilə budəfəki toplanışa da dəvət etməyib.

Qapıçılar: Fərhad Vəliyev (“Qarabağ”), Cahangir Həsənzadə (“İnter”).
Müdafiəçilər: Samir Abbasov (“İnter”), Ramin Quliyev (“Neftçi”), Zaur Həşimov (“Xəzər-Lənkəran”), Aslan Kərimov (“Qarabağ”), Elvin Əliyev (“Olimpik”). Yarımmüdafiəçilər: Aleksandr Çertoqanov, Ramazan Abbasov (hər ikisi “Neftçi”), Emin Quliyev, Elmar Baxşıyev, Alim Qurbanov, Ceyhun Sultanov (hamısı “Xəzər-Lənkəran”), Emin İmaməliyev (“İnter”), İlqar Qurbanov (“Sivasspor”, Türkiyə). Hücumçular: Samir Əliyev, Branimir Subaşiç (hər ikisi “Neftçi”), Xaqani Məmmədov (“İnter”). /APA-Sport/