Döyüş növləri

Ana səhifə

Döyüş növləri

Əli Hüseynov: “Murad Məmmədov nə yatıb ki, nə də yuxu görə?”

04 sentyabr 2007 14:09 (UTC +04:00)

“Ölkə çempionatı təzə başlansa da, hakimlər nöqsanlar buraxırlar və buna görə də cəzalandırılırlar”. Bu sözləri “APA-Sport” agentliyinə açıqlamasında AFFA-nın Hakimlər Komitəsinin sabiq sədri Əli Hüseynov deyib. Ə.Hüseynov bildirib ki, hakimlər son vaxtlar daha çox səhvlərə yol verirlər: “Mən Hakimlər Komitəsinə iki il sədrlik etmişəm. Həmin vaxtda cəmi bir nəfər hakimlikdən ömürlük uzaqlaşdırılıb. Çempionatların qalibləri yalnız axırıncı turda müəyyənləşib. Amma indiki hakimlər daha ciddi səhvlər buraxırlar”. Ə.Hüseynov Hakimlər Komitəsinin hazırkı sədri Murad Məmmədov barəsində geniş danışmaq istəməyib. O. M.Məmmədovun işinə qiymət verməyin tez olduğunu söyləyib: “Murad Məmmədov normal adamdır. Onun şəxsi keyfiyyətləri qənaətbəxşdir. Ancaq komitədəki fəaliyyətin haqqında fikir yürütmək tezdir. O, nə yatıb ki, nə də yuxu görə?”
Qeyd edək ki, bu il iyulun 20-də AFFA-da tutduğu vəzifədən istefa verən Ə.Hüseynov hazırda idman məktəblərinin birində aparıcı baş mütəxəssis kimi çalışır. /APA-Sport/