Döyüş növləri

Ana səhifə

Döyüş növləri

Valeri Abramidze: “Azərbaycanın ən yaxşı komandası “Neftçi”dir”

05 sentyabr 2007 10:57 (UTC +04:00)

“Vlastimil Petrjelanın “Neftçi” klubunun baş məşqçi postuna keçməsi Rusiyada təəccüblə qarşılanıb”. Bu sözləri “APA-Sport” agentliyinə açıqlamasında “Neftçi” klubunun sabiq müdafiəçisi Valeri Abramidze deyib. Moskvanın “Spartak” klubunda çıxış etdiyi dövrdə V.Petrjelanın çalışdırdığı “Zenit”ə qarşı oynadığını vurğulayan V.Abramidze çexiyalı məşqçinin Azərbaycan gəlməsini böyük uğur kimi qiymətləndirib: “Zenit”in tərəqqisi Petrjela ilə bağlıdır. Məhz onun “Zenit”in sükanı arxasına keçməsindən sonra komanda uğurla çıxış etməyə, nəticə qazanmağa başladı. “Neftçi”nin belə mütəxəssisi baş məşqçi postuna gətirməsi komandaya yalnız başucalığı gətirir. Bu təyinatı təəccüblə qarşılayan rusiyalılara “Neftçi”nin iddialı, postsovet məkanı təmsilçiləri arasında iddiasına görə seçilən, Petrjela kimi mütəxəssislə işbirliyi reallaşdırmağa qadir klub olduğunu başa salıram. “Neftçi” Azərbaycanda ən yaxşı komandadır”. V.Abramidze Qurban Qurbanovun istefasına da münasibət bildirib: “Neftçi” UEFA kubokunda növbəti mərhələyə yüksələcəyi təqdirdə, Qurban sakitcə işini davam etdirəcəkdi. Ancaq bunun reallaşmamağı vəziyyətə bu həddə gətirib çıxardı. Qurbanov məşqçilikdə təcrübəsi olmadığı halda, debüt ilində “Neftçi”yə gümüş medal qazandırdı. Komanda çempion olmağa çox yaxın idi. Ancaq klub rəhbərləri hər şeyə tez nail olmaq istədiyindən, Qurban Qurbanov kimi gənc məşqçilər belə aqibətlə üzləşir”.
Qeyd edək ki, V.Abramidze “Neftçi” klubunda iki çıxış etdikdən sonra hazırda müqavilə ilə məxsus olduğu “Xəzər-Lənkəran”ın heyətində də Azərbaycan çempionluğunu qazanıb. /APA-Sport/