Döyüş növləri

Ana səhifə

Döyüş növləri

Ramin Musayev: “Futbolçularımızı milli komandaya baş məşqçi buraxmır”

06 sentyabr 2007 11:10 (UTC +04:00)

“Futbolçuları Azərbaycan milli komandasının məşqlərinə baş məşqçi Vlastimil Petrjela buraxmayıb”. Bu sözləri “APA-Sport” agentliyinə açıqlamasında “Neftçi” klubunun vitse-prezidenti Ramin Musayev deyib. Vitse-prezidentin sözlərinə görə, V.Petrjela futbolçuların hazırlıq səviyyəsini yüksəltmək üçün bu addımı atıb: “Bildiyiniz kimi, komandamıza yeni baş məşqçi gəlib. O, ixtiyarında olan futbolçuları milli çempionatın oyunlarına daha yaxşı hazırlamaq üçün onlara müntəzəm məşq keçmək istəyir”. R.Musayev bildirib ki, Samir Əliyev, Ramin Quliyev, Ramazan Abbasov, Aleksandr Çertoqanov və Branimir Subaşiçin yığmaya buraxılmaması qayda pozuntu deyil: “Bununla bağlı, tələblər, qanunlar var. Futbolçu yoldaşlıq görüşləri zamanı 48 saat əvvəl yığmaya getməlidir”. Vitse-prezident, həmçinin bildirib ki, Azərbaycan milli komandasının sentyabrın 12-də Gürcüstanla məhz yoldaşlıq görüşündə qarşılaşacağı V.Petrjelanın qərarında həlledici rol oynayıb: “Gürcüstanlılarla yoldaşlıq görüşü keçirəcəyik. Əgər seçmə mərhələsinin matçı olsaydı, istənilən vaxt oyunçularımızı yığmaya buraxırdıq. Özü də bunu AFFA rəhbərliyinə görə deyil, özümüzün, millətimizin komandası naminə edərdik”. /APA-Sport/