Döyüş növləri

Ana səhifə

Döyüş növləri

Vüsal Əliyev: “Daha çətin oyunlar idarə etmək istərdim”

14 sentyabr 2007 08:21 (UTC +04:00)

“Çexiyanın Lixtenşteyn üzərində 8:0 hesabı ilə qələbə qazandığı oyun maraqlı keçdi”. Bu sözləri “APA-Sport” agentliyinə açıqlamasında Çexiya və Lixtenşteynin olimpiya yığma komandaları arasında görüşü idarə edən FİFA hakimi Vüsal Əliyev deyib. 37 yaşlı hakimin sözlərinə görə, oyunun gedişi hesabın belə olacağını deməyə əsas verməyib: “Çexiya rəqibindən səviyyəcə üstün idi. Hesabın 8:0 olması o demək deyil ki, oyun bir qapıya gedib. Lixtenşteyn də hücumlar edirdi. Hətta qol vurmaq üçün bir neçə imkanı oldu. Qonaqlar qol vursaydı, belə böyük hesablı nəticə qeydə alınmayacaqdı. Oyunda 5 sarı vərəqə göstərdim. Bunlardan üçü meydan sahiblərinə, ikisi qonaqların payına düşdü”. V.Əliyev belə oyunu idarə etməyin heç də asan olmadığını qeyd edib: “Yağış yağdıqdan sonra meydanın sürüşkən olması bizə əlavə çətinlik yaradırdı. Təsadüfi deyil ki, matçın hakim-inspektoru təyin edilən isveçli Bo Yakobsson UEFA-ya təqdim edəcəyi raportda idarəçiliyimizin hansı şəraitdə olduğunu qeyd edəcək. Bizimlə söhbətdə Yakobsson idarəçiliklə yanaşı, ingilis dilində danışığımızdan da razı qaldığını bildirdi. Əlbəttə, daha məsul, çətin oyunları idarə etmək istərdik”.
Qeyd edək ki, V.Əliyevə Çexiya Lixtenşteyn oyununu idarə etməkdə FİFA hakimləri Azad Q.Hüseynov, Aydın Ələkbərov və Fariz Yusifov yardımçı olub. /APA-Sport/