Döyüş növləri

Ana səhifə

Döyüş növləri

Yunis Hüseynov: “Petrjela təcrübəli, mən isə gənc və perspektivli məşqçiyəm”

14 sentyabr 2007 10:57 (UTC +04:00)

“Neftçi” ilə oyuna hazırlığımız yaxşı gedir. Lənkəranda beş günlük təlim-məşq toplanışı keçdikdən sonra Bakıya qayıtmışıq. Bu görüşə ciddi hazırlaşaraq, meydana yalnız qələbə qazanmaq üçün çıxacağıq”. Bu fikirləri “APA-Sport” agentliyinə açıqlamasında “Standard” klubunun baş məşqçisi Yunis Hüseynov deyib. Y.Hüseynov karyerasının daha çox hissəsini keçirdiyi və vaxtilə kapitanı olduğu “Neftçi” klubunu məşqçi kimi məğlub etmək fikrindədir. “Karvan” klubunda çalışdığı üç ildə buna nail olmayan Y.Hüseynov bu dəfə “Neftçi”nin yeni baş məşqçisi Vlastimil Petrjela ilə qarşılaşmadan çəkinmədiyini söyləyib. “Standard”ın sükanı arxasında son üç oyunda məğlub olmayan 42 yaşlı mütəxəssis çexiyalı həmkarının Azərbaycanda məşqçi kimi debütünü korlamağa çalışacaq: “Petrjela təcrübəli mütəxəssisdir. Mən isə gənc və perspektivli məşqçiyəm. Məşqçi sirlərini öyrənirəm. “Neftçi” ilə oyunda qələbə qazansaq, bu o demək deyil ki, mən Petrjeladan güclü mütəxəssisəm. Petrjelanı “Neftçi”də işləməsi, futbolumuza yaxşı bələd olmamağının bizə xeyri dəyə bilər. Ancaq digər tərəfdən, rəqib komandada ən güclü futbolçular çəmləşib. Yeri gəlcə, onlara necə oynamağı başa salmaq lazım deyil. “Neftçi”nin futbolçuları məşqçiyə də ehtiyac olmadan meydana çıxıb, lazım olanı edəcəklər”. /APA-Sport/