Döyüş növləri

Ana səhifə

Döyüş növləri

“Xəzər-Lənkəran” Sankt-Peterburqa gedəcək

18 sentyabr 2007 08:14 (UTC +04:00)

MDB və Baltikyanı ölkələrin çempionlarının sayca XVI Birlik Kubokunun tarixi müəyyənləşib. “APA-Sport” agentliyinin məlumatına görə, yarış 2008-ci il yanvarın 19-da Rusiyanın Sankt-Peterburq şəhərində start götürəcək. 9 gün davam edəcək turnirin oyunları “Peterburqski” İdman-Konsert Kompleksində və “Zenit” İdman Oyunları Sarayında keçiriləcək. Ənənəvi olaraq, Moskvada təşkil olunan Birlik Kubokunun bu dəfə Sankt-Peterburqa keçirilməsinə səbəb həmin vaxt Rusiyanın paytaxtına topla hokkey üzrə dünya çempionatının salınması ilə bağlıdır. Əvvəlki yarışlarda futbol turnirinin oyunlarının keçirildiyi “Olimpiyski” İdman Kompleksi həmin vaxt hokkey ustalarının ixtiyarına veriləcək. Amma Birlik Kubokunun reqlamentində heç bir dəyişiklik edilməyəcək. Əvvəlcə 16 komanda 4 qrupa bölünəcək. Bir dövrəlik qrup oyunlarından sonra pley-off görüşləri baş tutacaq. Yarışın püşkü gələn ay atılacaq. Turnirdə isə Azərbaycanı 2006-2007 mövsümündə ölkə çempionatının və kubokunun qalibi “Xəzər-Lənkəran” klubu təmsil edəcək. /APA-Sport/