Döyüş növləri

Ana səhifə

Döyüş növləri

Elton Con Valentin Xodukinin planlarını pozub

18 sentyabr 2007 09:16 (UTC +04:00)

“İnter” klubunun VI turda “Simurq” ilə sentyabrın 22-də keçiriləcək oyununu Tofiq Bəhramov adına Respublika stadionunda keçirmək planı baş tutmayacaq. Bu barədə “APA-Sport” agentliyinə komandanın baş məşqçisi Valentin Xodukin məlumat verib. Ukraynalı mütəxəssisin sözlərinə görə, “Simurq”la matçın ölkənin baş arenasında keçirilməsi ilə bağlı etdiyi müraciətə müsbət cavab almayıblar: “Ancaq Elton Conun konserti planlarımızı pozdu. Düzdür, konsertə görə təxirə salınan “Bakı” “Neftçi” görüşündən fərqli, komandamızın “Simurq”la görüşü bir gün əvvəl baş tutacaq. Bu səbəbdən sentyabrın 22-də də Respublika stadionunda oyun olmayacaq. Mənə verilən məlumata görə, konsertə hazırlıq prosesi “İnter” “Simurq” matçı keçirilən vaxt başlayacaq”. V.Xodukin “İnter” klubunun icarəyə götürdüyü “Şəfa” stadionunda oyun keçirməyin hələlik mümkün olmadığını söyləyib: “Əslində həmin stadionun sentyabrın 2-də sərəncamımıza veriləcəyi deyilirdi. Ancaq yenidənqurma işləri tam yekunlaşmayıb. Zabrat qəsəbə stadionunun qazonunu qaydasına salmaq üçün bir həftəlik bağlamaq istəyirdik. Belə olan halda, həm məşq etməyə, həm də “Simurq”la görüşümüzü keçirməyə meydan olmur. Nəzərə almaq lazımdır ki, “İnter”lə yanaşı, “Olimpik” də hazırda məşqlərini Zabrat stadionunda keçirir”. /APA-Sport/