Döyüş növləri

Ana səhifə

Döyüş növləri

Ağasəlim Mircavadov: “Gənclərbilriyi” böyük qüvvə ilə müdafiə olunmaqla, işini bitmiş saymayacaq”

22 sentyabr 2007 10:38 (UTC +04:00)

“Gənclərbirliyi” klubunun Yevlaxda “Karvan”ı məğlub etməsini gözlənilməz saymazdım. Futbolda hər cür nəticə qeydə alınır. Hər şeyə hazır olmaq lazımdır”. Bu fikirləri “APA-Sport” agentliyinə açıqlamasında “Xəzər-Lənkəran” klubunun baş məşqçisi Ağasəlim Mircavadov deyib. A.Mircavadov “Gənclərbilriyi” kimi iddiası az olan klubun lider komandaya qarşı motivasiyasının böyük olduğunu bildirib: “Gənclərbilriyi” “Xəzər-Lənkəran”la oyuna böyük motivasiya ilə çıxacaq. Rəqib bizi büdrətməyə çalışacaq. “Gənclərbilriyi” böyük qüvvə ilə müdafiə olunmaqla, işini bitmiş saymayacaq. Əks-hücumlar da edəcək və bundan ehtiyatlanmaq lazımdır. Bu mənada taktiki hazırlığa xüsusi diqqət yetirmək lazımdır”. “Gənclərbirliyi”nin carı çempionatda oyununu görmədiyini deyən A.Mircavadov sumqayıtlı futbolçuların öz oyunu ilə seçildiyini qeyd edib: “Yanılmıramsa, güclülər dəstəsinin iştirakçısı olan klublarımızın hamısında sumqayıtlı futbolçular çıxış edir. “Gənclərbirliyi”ndə təkcə sumqayıtlı yox, kənardan gələn təcrübəli futbolçular da var. Bu mənada böyük təcrübəsi böyük olan Ruslan Musayevi qeyd edə bilir. Bu futbolçu iddialı klublarımızda, yığmalarımızda çoxlu oyun keçirib. “Gənclərbirliyi”nin cari çempionatda oyununu izləməyə imkanımız olmasa da, komandada çıxış edən futbolçuların səviyyəsi haqda məlumatımız var”.
Qeyd edək ki, arxada qalan beş turda oyunlarını qələbə başa vuran “Xəzər-Lənkəran” qapısından qol da buraxmayıb. /APA-Sport/