Döyüş növləri

Ana səhifə

Döyüş növləri

“Göyəzən” Azərbaycan kubokuna qatılmaqdan yenə imtina edib

25 sentyabr 2007 09:06 (UTC +04:00)

Qazaxın “Göyəzən” klubu Azərbaycan kuboku uğrunda yarışda yenə çıxış etməyəcək. “APA-Sport” agentliyinin məlumatına görə, Azərbaycan çempionatının birinci dəstəsində çıxış edən “Göyəzən” maliyyə çatışmazlığı səbəbindən turnirdən imtina edib. Bununla bağlı klubdan rəsmi müraciət alan AFFA “Göyəzən”in ölkə kuboku uğrunda Bakının “İnter-2” komandası ilə görüşlərinin baş tutmayacağı haqda qərar çıxarıb. Belə olan halda, “İnter-2” 1/8 final mərhələyə vəsiqə qazanan ilk komanda olub. “İnter-2” 1/8 finalda “Standard-2” “Bakı” cütünün qalibi ilə görüşəcək. “Göyəzən” hələ güclülər dəstəsində çıxış edərkən də maliyyə problemlərini əsas gətirərək, kubok uğrunda mübarizəyə qatılmaqdan imtina edib.
Qeyd edək ki, “Göyəzən” klubundan əvvəl, birinci dəstənin daha iki təmsilçisi, Qubanın “Spartak” və Tovuzun “Turan-2” komandaları da ölkə kuboku uğrunda yarışda çıxış etməkdən boyun qaçırıb. /APA-Sport/