Döyüş növləri

Ana səhifə

Döyüş növləri

Azərbaycan çempionatında 42 yaşlı futbolçu çıxış edir

27 sentyabr 2007 16:01 (UTC +04:00)

Mehman İbrahimov cari mövsümdə AFFA bayrağı altında peşəkar klublar arasında keçirilən çempionatlarda çıxış edən yaşca ən böyük futbolçudur. “APA-Sport” agentliyinin məlumatına görə, 42 yaşlı M.İbrahimov Azərbaycan çempionatının birinci dəstəsində çıxış edən Neftçalanın “Anşad-Petrol” klubunda oynayan məşqçi funksiyasını yerinə yetirir. 1965-ci il təvəllüdlü hücumçu güclülər dəstəsi klublarının iştirak ərizəsində yer alan futbolçulardan da yaşca böyükdür. Bunlar 1967-ci il təvəllüdlü Elxan Həsənovla Vidadi Rzayevdir. E.Həsənov yarım il böyük olduğu V.Rzayevdən fərqli, futbolçu karyerasını rəsmən başa vurmayıb. “İnter”də çıxış edən qapıçı cari mövsümdə meydana çıxmayıb.
Qeyd edək ki, M.İbrahimovdan sonra çıxış edən ən yaşlı futbolçular “Samux”un oynayan baş məşqçisi Rövşən Əhmədov (1968) və “Göyəzən”in qapıçısı Namiq Bayramovdur (1969). Cari Azərbaycan çempionatında çıxış edən yaşca ən kiçiklər 1992-ci il təvəllüdlü bir neçə futbolçudur. /APA-Sport/