Döyüş növləri

Ana səhifə

Döyüş növləri

Vlastimil Petrjelanın iti ölüb

02 oktyabr 2007 15:22 (UTC +04:00)

“Neftçi” klubunun çexiyalı baş məşqçisi Vlastimil Petrjelanın iti ölüb. Bu barədə “APA-Sport” agentliyinə V.Petrjelanın özü məlumat verib. Onun sözlərinə görə, bu xoşagəlməz olay Çexiyada baş verib: “Səbəbini dəqiq müəyyənləşdirə bilməyiblər, deyəsən, zəhərlənmədən ölüb. Adı Aysofiya idi. Digər iki itim isə erkəkdir, adları Bertik və Brufikdir. Onları qışda Bakıya gətirmək fikrindəyəm”. Çexiyalı mütəxəssis vətənində pişik də saxladığını qeyd edib. Onun sözlərinə görə, artıq iki pişiyi var: “Mən Bakıya gələndən sonra bir pişik də alındığını eşitmişəm. Əvvəlki pişiyimin adı Sidorkadır. İtlərimlə pişiyim arasında problem yoxdur, yola gedirlər. Hətta deyim ki, birgə gəzintiyə də çıxırlar”.
Qeyd edək ki, V.Petrjela itlərini sentyabrın sonunda Bakıya gətirəcəyini desə də, sonradan fikrindən daşınıb. Hələlik oteldə qalan çexiyalı mütəxəssis mənzilə köçdükdən sonra heyvanlarını paytaxtımıza gətirməyi düşünür. /APA-Sport/