Döyüş növləri

Ana səhifə

Döyüş növləri

Vlastimil Petrjela Məşqçilər Şurasının iclasına çağırılmayıb

04 oktyabr 2007 13:23 (UTC +04:00)

“Məşqçilər Şurasının iclasından xəbərdar idim”. Bu fikirləri “APA-Sport” agentliyinə açıqlamasında Məşqçilər Şurasının üzvü olan “Xəzər-Lənkəran” klubunun baş məşqçisi Ağasəlim Mircavadov deyib. Bu gün AFFA-nın mənzil-qərargahında təşkil olunan toplantıya qatıla bilməməsini şəxsi işlərinin çox olması ilə əlaqələndirən A.Mircavadovdan fərqli, “Neftçi” klubunun çexiyalı baş məşqçisi Vlastimil Petrjela iclasa dəvət edilməyib. Klubun mətbuat xidmətindən bildirilib ki, AFFA-dan bu barədə heç bir rəsmi məlumat almayıblar. “Standard”ın baş məşqçisi Yunis Hüseynov və “Gənclərbirliyi”nin vitse-prezidenti Vaqif Sadıqov isə toplantının keçirilməsindən xəbərsiz olduqlarını qeyd ediblər. “Olimpik” rəsmiləri isə AFFA-da iclas keçiriləcəyi haqda faks aldığını təsdiqləsə də, baş məşqçi Əsgər Abdullayev komandanın hazırlığı ilə əlaqədar toplantıda iştirak etməyib. “Bakı”nın makedoniyalı baş məşqçisi Qyoko Hacievski isə tədbirdə iştirak edə bilməyəcəyi haqda Şahin Diniyevi əvvəldən məlumatlandırıb. /APA-Sport/