Döyüş növləri

Ana səhifə

Döyüş növləri

UEFA kubokunun qrup mərhələsinin iştirakçıları müəyyənləşib

05 oktyabr 2007 08:33 (UTC +04:00)

UEFA kubokunun qrup mərhələsinin iştirakçıları müəyyənləşib. “APA-Sport” agentliyinin məlumatına görə, bu mərhələdə Türkiyəni yalnız “Qalatasaray” təmsil edəcək. İsveçrənin “Syon” klubuna səfərdə uduzan (2:3) “Qalatasaray” cavab görüşündə böyük hesablı qələbə qazanıb 5:1. Türkiyənin UEFA kubokunda digər təmsilçisi “Ərciyyəspor” İspaniyanın “Atletiko” klubuna öz meydanında da böyük hesabla məğlub olub 0:5. “Xəzər-Lənkəran”ı Çempionlar Liqasında mübarizədən kənarlaşdıran Xorvatiyanın “Dinamo” klubu UEFA kubokunun qrup mərhələsinə vəsiqə qazanıb. Zaqreblilər “Ayaks”ı Hollandiyada əlavə vaxtda 3:2 hesabı ilə məğlub edib. “Ayaks”a iki qol vuran “Dinamo”nun hücumçusu Mario Mancukiç “Xəzər-Lənkəran”la görüşdə olduğu kimi, əlavə vaxtda fərqlənməklə, cütün taleyini həll edib. UEFA kubokunun qrup mərhələsinə vəsiqə qazanan 36 iştirakçı arasında Almaniyanın “Bavariya”, “Bayer”, “Hamburq”, “Nürnberq”, İngiltərənin “Tottenhem”, “Everton”, “Bolton”, İspaniyanın “Vilyarreal”, İtaliyanın “Fiorentina”, Fransanın “Tuluza”, “Renn”, “Bordo”, Şotlandiyanın “Aberdin”, Belçikanın “Anderlext”, Hollandiyanın “Akmaar”, Portuqaliyanın “Braqa”, Rusiyanın “Lokomotiv”, “Spartak”, “Zenit”, İsveçin “Helsinborq”, “Elfsborq”, İsveçrənin “Sürix”, “Bazel”, Danimarkanın “Kopenhagen”, “Olborq”, Norveçin “Brann”, Serbiyanın “Srvena Zvezda”, Avstriyanın “Austriya”, Çexiyanın “Sparta”, “Mlada Boleslav”, İsrailin “Hapoel”, Yunanıstanın “Panionis”, AEK, “Larisa”, “Aris” klubları da yer alıb. Qrup mərhələsinin püşkatması oktyabrın 9-da İsveçrənin Nyon şəhərində keçiriləcək. /APA-Sport/