Döyüş növləri

Ana səhifə

Döyüş növləri

Qyoko Hacievski radikal islahatlara başlayıb

05 oktyabr 2007 10:15 (UTC +04:00)

“Bakı” klubunun makedoniyalı baş məşqçisi Qyoko Hacievski radikal islahatlara başlayıb. “APA-Sport” agentliyinin məlumatına görə, klub prezidenti Hafiz Məmmədovla görüşən makedoniyalı mütəxəssis son turda “Olimpik”ə böyük hesablı məğlubiyyətin (0:3) hesabatını verib. Q.Hacievskinin əsas narazılığı arxa xətt oyunçuları ilə bağlı olub. O, “Olimpik”lə görüşdə mərkəz müdafiəçiləri olan kapitan Rafael Əmirbəyovla Vüqar Quliyevi tənqid edib. Makedoniyalı mütəxəssisin radikal addımı Xalidu Sissoko ilə bağlı olub. Belə ki, Q.Hacievski “Olimpik”lə görüşdə üç qol buraxaraq, inamsız çıxış edən seneqallı qapıçını əsas komandadan kənarlaşdırıb. “Bakı”nın futbolçuları “Olimpik”lə görüşdəki böyük hesablı məğlubiyyətə görə 500 dollar cərimələnib. “Bakı”nın sükanı arxasında bir aydır olan makedoniyalı mütəxəssisi dəstəkləyən H.Məmmədov istənilən futbolçunu, istənilən vaxtda transferə çıxara biləcəyini qeyd edib. /APA-Sport/