Döyüş növləri

Ana səhifə

Döyüş növləri

İlqar Qurbanov: “Bülənt Uyğun “Ankaragücü” ilə sabahkı oyunda mənə şans verəcək”

06 oktyabr 2007 10:27 (UTC +04:00)

“Hazırda özümü yaxşı hiss edirəm və meydana çıxmağa tam hazıram. Türkiyə Super Liqasına qayıdışım “Ankaragücü” ilə səfərdə keçiriləcək oyunda gözlənilir”. Bu fikirləri “APA-Sport” agentliyinə açıqlamasında Türkiyənin “Sivasspor” klubunun yarımmüdafiəçisi İlqar Qurbanov deyib. Bir aydır? Super Liqa oyunlarından kənarda qalan 21 yaşlı futbolçu “Sivasspor”un baş məşqçisi Bülənt Uyğunun ona sabahkı matçda şans verəcəyini qeyd edib: “Xəstələndiyimə görə bir müddət oynamasam da, artıq sağlıq durumumda problem yoxdur. Keçdiyim fərdi məşq proseslərindən sonra formamı bərpa etmişəm. Fiziki hazırlığım yaxşıdır. Bülənt Uyğunla söhbətim olub və “Ankaragücü” ilə görüşdə məni meydana buraxmaq fikrindədir”.
Qeyd edək ki, “Sivasspor” yeddi turdan sonra turnir cədvəlində 2-ci pillədə yer alaraq, yalnız “Qalatasaray”dan bir xal geri qalır. “Ankaragücü” ilə görüşdən sonra Bakıya gələcək İ. Qurbanov Azərbaycan milli komandasının Portuqaliya və Serbiya ilə keçirəcəyi rəsmi oyunlara hazırlığa qatılacaq: “Bakıya oktyabrın 8-də gələcəyəm. Artıq bilet almışam”. /APA-Sport/