Döyüş növləri

Ana səhifə

Döyüş növləri

“Standard” klubunun iki futbolçusu Moldova yığmasına çağırılıb

09 oktyabr 2007 08:08 (UTC +04:00)

Bakının “Standard” klubunun iki futbolçusu Moldova yığmasına çağırılıb. “APA-Sport” agentliyinin məlumatına görə, hücumçu Anatoli Doroşun ardınca müdafiəçi Dan Pisla da Avropa çempionatının seçmə mərhələ oyunlarına dəvət alıb. Ancaq komanda yoldaşından fərqli, D.Pisla ölkəsinin olimpiya yığmasının şərəfini qoruyacaq. Sumqayıtın “Gəncləribirliyi” klubunun sabiq çalışdırıcısı, hazırda Moldova olimpiya yığmasının sükanı arxasında olan İliye Karp “Standard”ın müdafiəçisini Lüksemburq və Almaniya ilə oyunlara çağırıb. Moldovanın olimpiya yığması oktyabrın 13-də və 16-da bu rəqiblərlə səfərdə görüşəcək. İ.Karp sentyabrın 11-də olimpiya yığmasının sükanı arxasında rəsmi debütünü İsrail üzərində 1:0 hesablı qələbə ilə qeyd etdiyi görüşdə D.Pislaya sona 18 dəqiqə qalmış şans verib. A.Doroşla D.Pisla yığma komandalarının hazırlığına qatılmaq məqsədilə artıq vətənlərinə yollanıblar. /APA-Sport/