Döyüş növləri

Ana səhifə

Döyüş növləri

AFFA “Xəzər-Lənkəran” klubunu 7 min manat cərimələyib

09 oktyabr 2007 12:52 (UTC +04:00)

AFFA “Xəzər-Lənkəran” klubuna 7000 manat məbləğində cərimə kəsib. Nizam-İntizam Komitəsinin bu gün keçirilən iclasında “Xəzər-Lənkəran” son turda “İnter”lə “Şəfa” stadionunda keçirilən oyuna görə ağır cəzaya məruz qalıb. “APA-Sport” agentliyinin məlumatına görə, komandanın nümayəndəsi oyun sonrası mətbuat konfransında iştirak etmədiyi üçün 2000 manat cərimə kəsilib. “Xəzər-Lənkəran” rəsmi nümayəndəsi Vüsal Cəlilov oyun bitdikdən sonra meydana daxil olaraq, baş hakim Babək Quliyevi təhqir etdiyindən, bundan iki dəfə çox cərimələnib. Lənkəranlılar 6 futbolçusu sarı vərəqə aldığına görə 1000 manat xərcə düşəcək. “Xəzər-Lənkəran”ın futbolçuları tərəfindən paltardəyişmə otağının qapısının bir hissəsi sındırıldığı üçün klub rəhbərliyi ziyanı ödəməlidir. Matçın 78-ci dəqiqəsində meydana kənar əşyalar atıldığına görə isə “İnter” 2000 manat cərimə ödəməlidir. Buna da səbəb “İnter”in oyunda meydan sahibi olmasıdır. Ümumilikdə isə, bu oyunda baş verənlərə görə, 9000 manat məbləğində cərimə kəsilib. /APA-Sport/