Döyüş növləri

Ana səhifə

Döyüş növləri

FİFA Azərbaycan yığmasının “Şəfa” stadionunda oyun keçirməsinə icazə verməyib

09 oktyabr 2007 16:13 (UTC +04:00)

Beynəlxalq Futbol Federasiyaları Assosiasiyası (FİFA) Avropa çempionatının seçmə qrup mərhələsi çərçivəsində Azərbaycan olimpiya yığmasının Albaniya ilə Bakıdakı görüşünün “Şəfa” stadionunda keçirilməsinə icazə verməyib. AFFA-nın Milli Komandalar Departamentinin rəisi Bəhruz Əsgərov “APA-Sport” agentliyinə açıqlamasında bildirib ki, albanlarla görüş İsmət Qayıbov adına Bakıxanov qəsəbə stadionunda baş tutacaq: “Bu qarşılaşmanı “Şəfa” stadionda keçirmək istəyirdik. Ancaq orada ot örtüyü yeniləşdikdən sonra stadionun beynəlxalq səviyyədə qəbul olunmasına vaxtımız çatmadı. FİFA öz nümayəndələrini Bakıya göndərməli və onlar “Şəfa”nın hazırkı durumu, stadionun ot örtüyü ilə tanış olub, rəylərini verməlidir. Məhz ali qurumun verdiyi sertifikat əsasında həmin məkanda beynəlxalq səviyyəli oyunlar keçirmək olar. Olimpiya yığmamızın sonrakı ev oyunlarını “Şəfa”da keçirmək fikrindəyik və həmin vaxtadək sertifikat alacağıq”.
Qeyd edək ki, oktyabrın 17-də keçiriləcək Azərbaycan Albaniya saat 15:00-da başlayacaq. /APA-Sport/