Döyüş növləri

Ana səhifə

Döyüş növləri

Azərbaycan yığması Portuqaliya və Serbiya ilə oyunlarda xal qazana bilməyəcək

11 oktyabr 2007 10:39 (UTC +04:00)

Azərbaycan yığması Avropa çempionatının seçmə qrup mərhələsində keçirəcəyi növbəti iki matçda xal qazana bilməyəcək. “APA-Sport” agentliyinin İnternet saytında aparılan sorğunun nəticəsi belə olub. On gün ərzində 387 nəfər saytımızı ziyarət edərək, “Futbol üzrə Azərbaycan milli komandası Avropa çempionatının seçmə qrup mərhələsi çərçivəsində oktyabrın 13-də Portuqaliya, bundan 4 gün sonra isə Serbiyaya qarşı Bakıda keçirəcəyi oyunlarda neçə xal toplayacaq” sualını cavablandırıb. Respondentlərin 31 faizi (120 nəfər) futbolçularımızın hər iki matçda məğlubiyyətlə üzləşəcəyini bildirib. 81 nəfər (21 faiz) oyunlardan birinin heç-heçə başa çatacağını inanır. Hər iki oyunda bərabərlik qeydə alınacağını düşünənlərin sayı 65 nəfərə bərabərdir. Sorğuya qatılanların 53 nəfərinin fikrincə, yığmamız 2 qarşılaşmada hesabına 3 xal əlavə edəcək. Şahin Diniyevin yetirmələrinin uduzmayacağını, ümumilikdə 4 xal toplayacağı variantını respondentlərin 11 faizi, yəni 43 nəfər dəstəkləyib. Eyni zamanda, müsabiqəyə maksimalist insanlar da qatılıblar. Belə ki, 25 nəfər (7 faiz) həm Portuqaliya, həm də Serbiyanı üstələyəcəyimiz qənaətindədir. /APA-Sport/