Döyüş növləri

Ana səhifə

Döyüş növləri

Migel Velozo: “Azərbaycanla oyuna üç xal qazanmaq üçün çıxacağıq”

11 oktyabr 2007 11:57 (UTC +04:00)

“Azərbaycanla oyunda baş məşqçi Luis Felipe Skolarinin yoxluğunu unutdurmaq fikrindəyik”. “APA-Sport” agentliyinin məlumatına görə, bu sözləri Portuqaliya yığmasının üzvü Migel Velozo bu gün keçirilən mətbuat konfransında deyib. “Sportinq” klubunun şərəfini qoruyan yarımmüdafiəçinin sözlərinə görə, L.F.Skolarinin texniki zonadan kənarda qalması yığmanın oyununa mənfi təsir göstərməyəcək: “Baş məşqçimizin yoxluğunu unutdurmaq üçün əlimizdən gələni edəcəyik. Skolari bizə görə cəzalanıbsa, deməli, layiqli cavab verməliyik. Bunun üçün yalnız qələbə qazanmaq lazımdır. Biz də Azərbaycanla oyuna yalnız bu məqsədlə çıxacağıq”. Portuqaliya keçirdiyi son üç oyunu heç-heçə başa vurub. M.Velozonun sözlərinə görə, növbəti xal itkisi milli komanda üçün faciə sayılmayacaq: “Növbəti xal itkisinin Bakıda reallaşacağını fikirləşmirik. Bizi yalnız qələbə qazanmaq maraqlandırır. Azərbaycanla oyuna üç xal qazanmaq üçün çıxacağıq”.
Qeyd edək ki, Serbiya yığmasının müdafiəçisi İvitsa Draqitunoviçi vurduğuna görə UEFA tərəfindən üç oyunluq cəzalanan L.F.Skolarinin yoxluğunda Portuqaliyanı millimizlə görüşə köməkçisi Flavio Murtoza çıxaracaq. /APA-Sport/