Döyüş növləri

Ana səhifə

Döyüş növləri

Vladimir Maslaçenko “Neftçi” haqqında dedikləri ifadələrə görə üzr istədi

11 oktyabr 2007 14:58 (UTC +04:00)

“Moskvada olarkən, rusiyalı futbol şərhçisi Vladimir Maslaçenko ilə görüşdüm. Onunla 1966-cı ildə “Neftçi”nin SSRİ çempionatında qazandığı bürünc medal barədə uydurma açıqlaması, yalanı ilə bağlı mübahisə etdim”. Bu sözləri “APA-Sport” agentliyinə açıqlamasında veteran futbolçu Kazbek Tuayev deyib. 1966-cı ildə “Neftçi” klubunun heyətində keçmiş SSRİ çempionatının bürünc medalını qazanmış K.Tuayevin sözlərinə görə, həmin vaxt Rusiyanın “Spartak” komandasının qapıçısı olan Vladimir Maslaçenko telekanalların birində yalan məlumat verib: “Maslaçenko deyib ki, guya bürünc medalı qazanmağımızda futboldankənar xoşagəlməz amillərin rolu olub. Mən ona sübut etdim ki, düz danışmır. Bütün həqiqət isə bizim tərəfimizdədir. O, səhvini anladı və üzr istədi”. Rusiya paytaxtında Yuri Sevidovla da görüşdüyünü vurğulayan K.Tuayev vaxtilə “Neftçi”də çalışmış rusiyalı mütəxəssisin Azərbaycanı çox sevdiyini və ölkəmizə hörmətlə yanaşdığını bildirib: “Sevidov Bakıda çalışdığı dövrləri böyük məmnuniyyətlə xatırladı”. /APA-Sport/