Döyüş növləri

Ana səhifə

Döyüş növləri

Branislav İvanoviç: “Subaşiç bizə qoleador bacarığını göstərmək istəyirdi”

18 oktyabr 2007 11:51 (UTC +04:00)

“Subaşiç bizimlə görüşə böyük motivasiya ilə çıxaraq, qoleador bacarığını göstərmək istəyirdi”. “APA-Sport” agentliyinin məlumatına görə, bu sözləri Serbiya milli komandasının üzvü Branislav İvanoviç deyib. Rusiyanın “Lokomotiv” klubunun da şərəfini qoruyan müdafiəçi bu ilin martında milliləşdirilərək Azərbaycan yığmasının heyətinə cəlb olunan B.Subaşiçi yaxşı futbolçu hesab edib: “Lakin onun üçün həmvətənlərinə qol vurmaq çətin idi. Branimir bunu bacarsaydı, bizə daha çətin olacaqdı”. B.İvanoviç bildirib ki, Avropa çempionatının seçmə mərhələsi çərçivəsində Tofiq Bəhramov adına Respublika stadionunda Azərbaycana qarşı keçirilən matçda qələbə qazanmaq çox vacib idi: “Oyuna ciddi hazırlaşmışdıq. Ötən həftə Ermənistanda iki xal itirdiyimizə görə, bu dəfə rəqibi məğlub etməliydik”. Yığmamızın 1:6 hesablı məğlubiyyəti ilə başa çatan görüşdə 5-ci qolun müəllifi Milan Smilyaniç isə qələbəyə layiq olduqlarını vurğulayıb. İspaniyanın “Espanyol” klubunun yarımmüdafiəçisi qeydə alınan böyük hesablı qələbədən təəccübünü gizlətməyib: “Azərbaycanın öz meydanında yaxşı təsir bağışladığını bilirdik. Ancaq bu gün biz güclü idik. Hesab oyuna görə olmadı. İstənilən halda, bu, bizim üçün əla nəticədir”. /APA-Sport/