Döyüş növləri

Ana səhifə

Döyüş növləri

Ramiz Mirzəyev İsraildə müalicə olunur

18 oktyabr 2007 13:02 (UTC +04:00)

Səhhətində problemlər yaranan AFFA prezidenti Ramiz Mirzəyev hazırda İsraildə müalicə olunur. Bu haqda “APA-Sport” agentliyinə AFFA-nın baş katibinin müavini Ələddin Ağayi məlumat verib. Onun sözlərinə görə, R.Mirzəyevin müalicəsi oktyabrın sonlarında başa çatacaq: “Hazırda Ramiz Mirzəyevin səhhəti normaldır. O, daha bir kurs müalicə edilməlidir”. Ə.Ağayi bildirib ki, AFFA prezidenti müalicə olunmasına baxmayaraq, Avropa çempionatının seçmə mərhələsi çərçivəsində Tofiq Bəhramov adına Respublika stadionunda keçirilmiş Azərbaycan Serbiya matçını izləyib: “Ramiz müəllim AzTV vasitəsi ilə yığmamızın Serbiya qarşı keçirdiyi oyuna baxıb. Təbii ki, nəticədən razı qalmayıb”. Bu ayın sonlarında vətənə qayıdacaq R.Mirzəyev bir neçə gün istirahət edəcək. Assosiasiya rəhbərinin iş fəaliyyətini noyabrın əvvəllərində bərpa edəcəyi gözlənilir. /APA-Sport/