Döyüş növləri

Ana səhifə

Döyüş növləri

Rasim Kara: “Azərbaycan yığmasını tanımadım”

18 oktyabr 2007 13:20 (UTC +04:00)

“Serbiya ilə görüşdə Azərbaycan yığmasını tanıya bilmədim”. Bu sözləri “APA-Sport” agentliyinə açıqlamasında Ağdamın “Qarabağ” klubunun baş məşqçisi Rasim Kara deyib. AFFA-nın Məşqçilər Şurasının üzvü olan türkiyəli mütəxəssisin sözlərinə görə, Azərbaycan millisinin Serbiyaya 1:6 hesablı məğlubiyyətindən çox üzülüb: “Stadiondan izlədiyim matçda Azərbaycan yığmasını tanımadım. Finlandiya üzərində qələbə qazanan komandadan əsər-əlamət yox idi. Meydanda nə yaxşı müdafiə olunan, nə də pressinq edən komanda gördüm”. Aslan Kərimov cəzalı olduğu üçün Serbiya ilə matçda “Qarabağ” yalnız bir futbolçu, qapıçı Fərhad Vəliyev ilə təmsil olunmuşdu. Zəif təsir bağışlayaraq, 4 qol buraxan F.Vəliyev fasilədə əvəzləndi. Futbolçu karyerası dövründə qapıçı kimi çıxış edən R.Kara yetirməsinin oyundan ciddi narazı qalmayıb: “Düzdür, Fərhadın xətaları var idi. Ancaq bütün günahı onda görmək düzgün olmazdı. Hücumçular, yarımmüdafiəçilər arxa xəttə kömək etməyəndə, üç müdafiəçi və qapıçıya çox çətin olur. Serbiya ilə görüşdə bunun şahidi olduq”. /APA-Sport/