Döyüş növləri

Ana səhifə

Döyüş növləri

“Askoli” klubunun prezidenti “Neftçi” rəhbərliyinin dəvəti ilə Bakıya gəlir

19 oktyabr 2007 16:17 (UTC +04:00)

İtaliyanın “Askoli” klubunun futbol akademiyasının prezidenti Azərbaycana səfərə hazırlaşır. Bu haqda “APA-Sport” agentliyinə məlumat verən “Neftçi” klubunun idman direktoru Qurban Qurbanovun sözlərinə görə, italyan mütəxəssis onların dəvətini qəbul edib: “Domeniçi soyadlı italiyalı mütəxəssis “Neftçi” futbol klubunun dəvəti ilə Bakıya gələcək. Bu səfərin oktyabrın 22-dən 26-dək əhatə edəcəyi gözlənilir. Bizə göndəriləcək faksda daha dolğun məlumat veriləcək. Hər halda, səfər 90 faiz dediyim vaxtda reallaşacaq”. Q.Qurbanov italiyalı mütəxəssisin Bakıda olduğu müddətdə “Neftçi”nin futbol məktəbinin vəziyyəti ilə tanış olacaq. İtalyanlarla sıx əlaqə qurmaq fikrində olan flaqman gələcək əməkdaşlığın təməlini Bakıda quracaq. Ardından İtaliyaya uzun müddətli səfər edəcək Q.Qurbanov viza probleminin həllini gözləyir: “Viza məsələmi oktyabrın 26-dək həll edə bilsəm, italyanla birgə Askoli şəhərinə yollanacağam. Əks təqdirdə, oktyabrın 29-da İtaliyaya iki aylıq səfərə çıxacağam”. /APA-Sport/