Döyüş növləri

Ana səhifə

Döyüş növləri

“Qızıl Top” mükafatına namizəd futbolçuların adları açıqlanıb

22 oktyabr 2007 08:39 (UTC +04:00)

Fransanın nüfuzlu “France Football” nəşri “Qızıl top” mükafatına namizəd futbolçuların adlarını açıqlayıb. “APA-Sport” agentliyinin məlumatına görə, siyahıya 50 futbolçu daxil edilib. Əvvəlkilərdən fərqli, bu dəfə yalnız Avropanın deyil, dünyanın bütün ölkəsindən bir jurnalist səsverməyə qatıla biləcək. Bu səbəbdən respondentlərə ancaq Avropada top qovanlara yox, digər qitələrdə çıxış edən futbolçulara səs vermək imkanı verilib. Namizədlər isə bunlardır: Erik Abidal (“Barselona”, Fransa), Daniel Alveş (“Sevilya”, Braziliya), Devid Bekhem (“LosAnceles Qelaksi”, İngiltərə), Dimitar Berbatov (“Tottenhem”, Bolqarıstan), Canluici Buffon (“Yuventus”, İtaliya), Fabio Kannavaro (“Real”, İtaliya), İker Kasilyas (“Real”, İspaniya), Petr Çex (“Çelsi”, Çexiya), Rojerio Seni (“San-Paulo”, Braziliya), Kriştiano Ronaldu (“Mançester Yunayted”, Portuqaliya), Deku (“Barselona”, Portuqaliya), Məhəmmmədu Diarra (“Real”, Mali), Dieqo (“Verder”, Braziliya), Didye Droqba (“Çelsi”, Fil Dişi Sahili), Maykl Essyen (“Çelsi”, Qana), Samuel Eto”™O (“Barselona”, Kamerun), Sesk Fabreqas (“Arsenal”, Fransa), Cennaro Qattuzo (“Milan”, İtaliya), Stiven Cerrard (“Liverpul”, İngiltərə), Rayan Giqqz (“Mançester Yunayted”, Uels), Tyeri Anri (“Barselona”, Fransa), Zlatan İbrahimoviç (“İnter”, İsveç), Filippo İnzaqi (“Milan”, İtaliya), Kaka (“Milan”, Braziliya), Frederik Kanute (“Sevilya”, Mali), Miroslav Kloze (“Bavariya”, Almaniya), Yanis Mahmud (“Əl-Qafara”, İraq), Paolo Maldini (“Milan”, İtaliya), Floran Maluda (“Çelsi”, Fransa), Lionel Messi (“Barselona”, Argentina), Şunsuke Nakamura (“Seltik”, Yaponiya), Gilyermo Okoa (“Amerika”, Meksika), Andrea Pirlo (“Milan”, İtaliya), Rikardo Kuarejma (“Portu”, Portuqaliya), Raul (“Real”, İspaniya), Frank Riberi (“Bavariya”, Fransa), Xuan Roman Rikelme (“Vilyarreal”, Argentina), Robinyo (“Real”, Braziliya), Ronaldinyo (“Barselona”, Braziliya), Ueyn Runi (“Mançester Yunayted”, İngiltərə), Pol Skoulz (“Mançester Yunayted”, İngiltərə), Klarens Zeedorf (“Milan”, Hollandiya), Karlos Teves (“Mançester Yunayted”, Argentina), Luka Toni (“Bavariya”, İtaliya), Kolo Ture (“Arsenal”, Fil Dişi Sahili), Fernando Torres (“Liverpul”, İspaniya), Françesko Totti (“Roma”, İtaliya), Ruud van Nistelroy (“Real”, Hollandiya), Van Persi (“Arsenal”, Hollandiya), David Vilya (“Valensiya”, İspaniya).
Ən yaxşı futbolçu dekabrın 2-də müəyyənləşəcək. Məlumat üçün qeyd edək ki, ötən il “Qızıl top” mükafatını İspaniyanın “Real” klubunun və İtaliya milli komandasının müdafiəçisi Fabio Kannavaro qazanıb. /APA-Sport/