Döyüş növləri

Ana səhifə

Döyüş növləri

Azərbaycan yığmasının üzvü Rusiya çempionatının birinci dəstəsində çıxış edəcək

23 oktyabr 2007 08:44 (UTC +04:00)

Azərbaycanın 19 yaşlılardan ibarət yığma komandasının (U-19) üzvü Denis Rodionovun şərəfini qoruduğu Rusiyanın “Sportakademklub” klubu birinci dəstəyə yüksəlib. “APA-Sport” agentliyinin məlumatına görə, Emin Ağayevin çıxış etdiyi “Nara-Desna” klubu kimi, Rusiya çempionatının ikinci dəstəsinin Qərb zonasında çıxış edən “Sportakademklub” 29-cu turda öz meydanında “Torpedo-RQ” ilə 1:1 hesablı heç-heçə edib. Qazanılan bir xal D.Rodionovun komandasının həm birinci dəstəyə yüksəlməsini, həm də çempionatı lider kimi başa vurmasını rəsmiləşdirib. Hesabında 57 xal olan “Sportakademklub” turnir cədvəlində ən yaxın izləyicisi “Şeksna” klubunu 4 xal qabaqlayıb. Rostov futbol məktəbinin yetirməsi olan və Azərbaycanın 17 yaşlılardan ibarət komandasında da çıxış edən D.Rodionov U-19-a Avropa çempionatının ilk seçmə mərhələ oyunlarında kömək edə bilməyəcək. Buna səbəb çempionat oyunları ilə əlaqədar klub rəhbərliyinin futbolçunu Azərbaycan yığmasına buraxmamağıdır. /APA-Sport/