Döyüş növləri

Ana səhifə

Döyüş növləri

Federasiya prezidenti futbolçulara mükafat vəd edib

24 oktyabr 2007 08:14 (UTC +04:00)

Ermənistan Futbol Federasiyasının prezidenti Ruben Ayrapetyan milli komanda üzvlərinə mükafat vəd edib. “APA-Sport” agentliyinin məlumatına görə, federasiya başçısı yığmada 100 oyun keçirən futbolçuya 5000 dollar mükafat verəcəyini bildirib. Bu mükafata əsas namizəd millinin kapitanı Sarkis Ovsepyandır. Rusiyanın “Zenit” klubunda çıxışı ilə tanınan, hazırda “Pünik”in şərəfini qoruyan 35 yaşlı futbolçu yığmada 93 oyun keçirib və 1 qol vurub. Azərbaycan yığması ilə oyunların keçirilməsinin çılğın tərəfdarlarından olan S.Ovsepyanın şəxsi göstəricisinə görə də maraqlı idi. Belə ki, UEFA-nın Azərbaycan Ermənistan matçlarının keçirilməməyi ilə bağlı qərar çıxarması S.Ovsepyanın millidə oyunlarının sayının 95-ə çatması və bununla da 5000 dollar mükafata bir qədər yaxınlaşmasına əngəl olub. Azərbaycan millisində də ən çox oyun keçirən yığmanın kapitanı Aslan Kərimovdur. Ağdamın “Qarabağ” klubunun kapitanı millidə 78 oyun keçirib. Portuqaliya ilə qarşılaşmada qırmızı vərəqə aldığı üçün UEFA-nın iki oyunluq cəzasına məruz qalan A.Kərimov noyabrın 21-də Belçika ilə Bakıda rəsmi, dekabrın 9-da Qətərlə səfərdə yoldaşlıq görüşündə meydana çıxacağı halda, millidə 80 matç keçirmiş olacaq. /APA-Sport/