Döyüş növləri

Ana səhifə

Döyüş növləri

İqor Ponomaryov: “Bakıya elə-belə gəlmişəm”

24 oktyabr 2007 12:10 (UTC +04:00)

- Bakıya səfərinizin məqsədi nədir?
- Şəxsi işlərimlə əlaqədar gəlmişəm. Azərbaycanı gəlməyi planlaşdırırdım. Və budur, mən artıq Bakıdayam. Təxminən bir həftə burada olmaq fikrindəyəm.
- Bəlkə kiminsə dəvəti ilə gəlmisiniz? Sizə milli komandanı, yaxud hansısa klubu çalışdırmaq variantı təklif olubmu?
- Yox, yox. Bakıya öz təşəbbüsümlə gəlmişəm.
- Azərbaycan yığmasının Serbiyaya acınacaqlı məğlubiyyətindən sonra baş məşqçi postu ətrafında ciddi müzakirələr aparılır. Hər halda, Sizin də namizədliyinizin irəli sürülməsi real variantdır. Bəlkə AFFA rəhbərliyi Sizi danışıqlara dəvət edib?
- Bu, əsla belə deyil.
- Hər halda, səfərinizin milli komandanın son oyunlarından sonraya təsadüfi saymaq olmur...
- Elə-belə gəlmişəm. Oktyabrda Bakıya gəlmək fikrindəydim. Bura dost-tanışlarıma baş çəkmək üçün gəlmişəm.
- Yenidən yığmanı çalışdırmaq təklisi olarsa, bunu qəbul etməyə hazırsınızmı?
- Gəlin, spekulyasiya ilə məşğul olmayaq. Belə daha yaxşı olar.
- Elə isə Azərbaycan yığmasının oyunları haqda fikrinizi bilmək istərdik. Serbiya ilə matçı izləmisiniz?
- İzləmişəm. Elə məhz Serbiya ilə oyundan əvvəl matçı izləmək məqsədilə evimdəki antenanı quraşdırmışdım.
- Serbiyaya Bakıda 1:6 hesablı məğlubiyyəti necə qəbul etdiniz?
- Nə demək olar? Hesab hər şeyi deyir. Çox zəif, acınacaqlı çıxış etdirdilər, bərbad oynadılar.
- Milli komandanın öz meydanında belə oyunun səbəbini nədə görürsünüz?
- Bunun səbəblərini axtarmaq mənim işim deyil. Milli komandanın məşqçiləri, AFFA rəhbərliyi var. Qoy onlar bu işlə məşğul olsunlar, səbəbləri müəyyənləşdirsinlər.
- Sizcə, Şahin Diniyev postunda qalmalıdır, yoxsa getməlidir?
- Bunu deyə bilmərəm. Bu mənə aid olan məsələ deyil. /APA-Sport/