Bakı-APA. Azərbaycan taekvondoçuları 2012-ci ilin son beynəlxalq turnirinə yollanırlar. Taekvondo Federasiyasından apasport.az saytına verilən məlumata görə, baş məşqçi Məmməd Abdullayevin rəhbərlik etdiyi gənclərdən ibarət seçmə komandanın 5 üzvü Fransanın paytaxtında, “Paris Open” açıq beynəlxalq turnirində iştirak edəcək.
Dekabrın 1-2-də baş tutacaq yarışda idmançılarımızdan Babək Əjdərli (48 kq), Əli Axundov (55 kq), Ayxan Tağızadə (63 kq), Səid Quliyev (73 kq) və Elnur Məhərrəmov (+73 kq) mübarizə aparacaq.
Turnir olimpiya çəki dərəcələrində keçiriləcək. Noyabrın 29-da Parisə yola düşəcək taekvondoçularımız, dekabrın 4-də vətənə dönəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
