Bakı – APA. Rumıniyanın paytaxtı Buxarestdə keçirilən Avropa çempionatında daha 2 boksçumuz mübarizəni dayandırıb. Boks Federasiyasından apasport.az saytına verilən məlumata görə, 57 kq çəki dərəcəsində çıxış edən Məhsəti Həmzəyeva bolqarıstanlı Svetlana Stanevaya uduzub.
81 kq çəki dərəcəsində gücünü sınayan Aynur Rzayeva isə Macarıstan təmsilçisi Petra Szatmari ilə görüşdən məğlub ayrılıb – 0:3.
Boksçularımızdan üçü isə Avropa çempionatında mübarizəni davam etdirir. Anaxanım Ağayeva bu gün 1/4 final mərhələsində fransalı Vassila Lxadiri ilə qarşılaşacaq. Yelena Vıstropova (69 kq) və Leyla Cavadova isə (75 kq) iyunun 6-da keçiriləcək yarımfinalda rinqə çıxacaqlar.
Vıstropova rumıniyalı Mikaela Kristiana, Cavadova isə almaniyalı Sarah Şeuriçlə üz-üzə gələcək. Qitə çempionatına iyunun 7-də yekun vurulacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
