Gənclər və İdman Nazirliyinin təşkilatçılığı ilə Bakı şəhərində Qol güləşi üzrə Respublika kuboku yarışı keçirilib.
APA-nın məlumatına görə, respublikanın müxtəlif bölgələrindən 200-ə yaxın idmançı 11 çəki dərəcəsində həm sağ, həm də sol qol güləşi üzrə birincilik uğrunda mübarizə aparıb.
Fövqəladə Hallar Nazirliyinin İdman-sağlamlıq klubunun əməkdaşı Rəşad Kəsəmənli 65 kq çəki dərəcəsində sol qol güləşi üzrə 1-ci yerə layiq görülüb.