Bakı – APA. Fransanın paytaxtı Parisdə usta cüdoçular arasında Avropa çempionatına start verilib. Apasport.az saytının məlumatına görə, yarışın ilk günü Azərbaycan yığması üçün uğurlu alınıb.
Belə ki, veteran idmançılarımız 2 qızıl və 1 bürünc medal qazanıblar. Təmsilçilərimizdən Parisdə fəxri kürsünün ən yüksək pilləsinə Zaur Paşayev (100 kq) və Zülfiyyə Hüseynova (78 kq) qalxıblar. Xanım cüdoçumuz bütün görüşlərini ipponla bitirib. Komandamızın heyətində “3-cülük” Elçin Mayılovun (60 kq) qismətinə düşüb.
Digər idmançılarımızdan Vüqar Budaqov (66 kq) 5-ci, Vüsal Cəfərov (90 kq), Rəsul Səlimov, Rəsul Sultanov (hər ikisi 100 kq) və Zaur Məcidov (+100 kq) 7-ci olublar.
Qeyd edək ki, yarış iyunun 15-də başa çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
