İnternet dövrünə uyğun olaraq hər bir məzundan peşəkarlıq tələb olunacaq.
APA xəbər verir ki, bunu elm və təhsil nazirinin müavini Firudin Qurbanov “SABAH-ın Məzunu 2025” tədbirində çıxışı zamanı deyib.
Onun sözlərinə görə, məzunlardan böhran vəziyyətində düzgün qərar vermək bacarığı, eləcə də bir çox keyfiyyətlər tələb olunacaq: "Gələcəkdə bizi hansı problemlərin gözlədiyi bilinmir. Robotlaşdırılmış sistemlərlə bağlı 5-6-cı sənaye inqilabı ola bilər. Amma yenə də onun da mərkəzində yaradıcı təfəkkürlü insan olacaq".
F. Qurbanov həmçinin xoşbəxt gəncləri görməkdən fərəhləndiyini bildirib: “Siz xoşbəxt tələbələr olmusunuz ki, ali məktəbə daxil olanda 30 ilə yaxın işğalda qalan torpaqlar azad edilmişdi. Bu gün isə tam suveren ölkənin məzunlarısınız".
O qeyd edib ki, SABAH qrupları ilk dəfə 7 ali məktəbdə yaradıldı. SABAH qruplarının yaradılmasındakı əsas məqsəd yaradıcı və istedadlı gənclərin inkişafına dəstək vermək idi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
