Bakı. Musa Əhmədov – APA-Economics. Bakı Fond Birjasında Maliyyə Nazirliyinin qısamüddətli dövlət istiqrazlarının yerləşdirilməsi üzrə hərrac keçirilib.
Bakı Fond Birjasından (BFB) “APA-Economics”ə verilən məlumata görə, sifarişlər 2 birja üzvü tərəfindən təqdim olunub. Sifarişlərin nominal üzrə ümumi məbləği 16 415 000 ABŞ dolları təşkil edib.
Sifarişlər 95,2505% (gəlirlik 5,00%) və 97,1000% (gəlirlik 2,99%) qiymət intervalında təqdim edilib.
İstiqrazların rəqabətli sifarişlər üzrə kəsmə qiyməti – 96,6184 (gəlirlik 3,51%) orta ölçülmüş qiymət 97,0199 (gəlirlik 3,08%) səviyyəsində Maliyyə Nazirliyi tərəfindən müəyyən edilib.
İstiqrazların nominal üzrə reallaşdırılmış həcmi 10 000 000 ABŞ dolları məbləğində müəyyən edilib.
İstiqrazların ödəmə tarixi 10 fevral 2017-ci ildir, tədavül müddəti isə 364 gündür.
Qeyd edək ki, BFB-də Maliyyə Nazirliyinin dövlət ortamüddətli istiqrazlarının yerləşdirilməsi üzrə də hərrac keçirilib. Hərrac zamanı şifarişlər 1 birja üzvü tərəfindən təqdim olunub. Sifarişlərin nominal üzrə ümumi məbləği 2 000 000 ABŞ dolları təşkil edib. Sifarişlər 98,6890% qiymətlə təqdim edilib. Hərrac emitent tərəfindən baş tutmamış hesab edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
