Bakı-APA. İŞİD terror qruplaşması bu gün Bağdadda törədilən partlayışa görə məsuliyyəti öz üzərinə götürüb.
APA-nın TASS agentliyinə istinadən verdiyi məlumata görə, İraq paytaxtında terrorçu-kamikadze minalanmış maşında özünü partladıb. Hadisə nəticəsində 18 nəfər ölüb, 45 nəfər yaralanıb.
Mayın 2-də Bağdad ətrafında daha iki terror aktı törədilib. Paytaxtdan 25 km aralıda yerləşən Tarmiya şəhərində baş verən partlayış nəticəsində 2 nəfər ölüb, 6 nəfər yaralanıb. Xalis şəhərində isə 1 nəfər ölüb, 2 nəfər yaralanıb.
Ötən gün isə İraqın cənubunda, Əs-Səməva şəhərində törədilən terror aktı nəticəsində 38 nəfər ölmüş, 86 nəfər yaralanmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
