Bakı. Şəhriyar Əlizadə - APA. “Binagadi Oil Company” şirkəti Bakı şəhəri Binəqədi qəsəbəsi Bələdiyyəsini məhkəməyə verib.
APA-nın məlumatına görə, şirkət bələdiyyə tərəfindən Hidayət Həsənov adlı şəxsin adına verilən qərarın etibarsız hesab edilməsi barədə iddia ərizəsi ilə 1 saylı Bakı İnzibati İqtisad Məhkəməsinə müraciət edib.
Məhkəmə iddianı mümkünsüz hesab edib. Həmin qərarla razılaşmayan şirkət isə qərardan apellyasiya şikayəti verib. Şikayətə Bakı Apellyasiya Məhkəməsində baxılacaq.