Bakı. Məlahət Nəcəfova - APA. ABŞ-ın Minneapolis şəhərində polisin yerli sakin Ceymar Onil Klarkı güllələməsindən sonra minlərlə qaradərili şəhər sakini küçələrə çıxıb.
APA-nın “Associated Press”-ə istinadən verdiyi məlumata görə, noyabrın 16-da gündüz saatlarında polis qanunsuz zorakılıq aktının baş verməsi ilə bağlı şəhərin şimal rayonuna çağırılıb. Polis əməkdaşları hadisə yerinə çatanda xəsarət almış Klarka tibb işçilərinin kömək etməyə çalışdığını, onun isə müqavimət göstərdiyini görüblər. Polislər onu sakitləşdirməyə çalışsalar da, Klark mane olub və polislərdən biri ona atəş açıb. Başından güllə dəyən Klark yerində ölüb.
Həmin gün etiraz aksiyaları başlayıb. Yüzlərlə insan ştatlararası avtomobillərin hərəkətinə mane olub, 42 etirazçı həbs olunub. Vətəndaşları Klark öldürülərkən əllərinin qandallı olub-olmaması maraqlandırır. Polis hələlik buna dəqiq cavab verməyib. Hadisə zamanı insan haqlarının pozulması ehtimalı ilə məsələyə Federal Təhqiqatlar Bürosu da qoşulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
