Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Arif Novruzovun cinayət işi üzrə məhkəmə prosesi başa çatıb.
APA-nın xəbərinə görə, hakim Ənvər Seyidovun sədrliyi ilə keçirilən prosesdə hökm oxunub.
Hökmə əsasən, A. Novruzov 6 il müddətinə azadlıqdan məhrum edilib.
Qeyd edək ki, hadisə 22 iyun 2016-cı il tarixdə Bakı şəhəri, Qardağ rayonu, Lökbatan qəsəbəsində baş verib. A. Novruzov ailə münaqişəsi zəmində Nurlana Novruzovanı bıçaqlayıb. N. Novruzovanı xilas etmək mümkün olub.