“Hər bir ali məktəbdə magistr pilləsi üzrə ixtisaslar həmin müəssisənin özü tərəfindən müəyyənləşdirilir”. APA-nın xəbərinə görə, təhsil naziri Mikayıl Cabbarov bildirib ki, bu gün Azərbaycan-Fransız Universitetində (UFAZ) təhsil alan gənclərin gələcəkdə hansı ixtisaslar üzrə magistr təhsili ala biləcəyini indidən demək çətindir: “Söz verə bilmərəm ki, onlar bakalavr təhsilini bitirdikdən sonra magistraturaya qəbul ola biləcəklər. Amma Azərbaycan-Fransız Universitetində magistratura pilləsinin təşkili ilə bağlı hazırda müzakirələr aparılır. İnanırıq ki, yekunda universitetlərin potensialı ölçülərək və tələbələrin istəyi nəzərə alınaraq bu barədə qərar veriləcək”.